Маж од Флорида се опоравува во болница поради тешки повреди со кои се здобил кога во устата му експлодирала електронска цигара.

Том Халовеј, 57 годишен, од Нешвил седел во дневната соба и пушел електронска цигара. Набргу неговата сопруга слушнала гласна експлозија. Рекла дека и се слушнало како во куќата да експлодирала некоја поголема петарда, а потоа го слушнала вресокот на својот сопруг.

По експлозијата во собата избил и помал пожар. Експлозијата на Халовеј му ги извадила сите заби и му откинала дел од јазикот. Противпожарниот офицер кој го примил повикот за наведениот инцидент, рекол дека причина за експлозијата најверојатно била неисправната батерија во цигарата, додавајќи дека никогаш не видел ништо слично.

Тој изјавил дека не постои начин да се уврди ознаката за производството на опасната цигара, но изгледа дека во прашање е литиумска батерија, затоа што го видел полначот во собата во која се случила експлозијата.