Владимир Путин осмислил план за подигање на рускиот наталитет.

Рускиот премиер им порача на граѓаните да се сексаат повеќе. Покрај тоа, Путин најави дека за трето дете ќе се добива парична награда, за да се поттикне раѓањето на деца.

Во една од клучните точки во својата претседателска кампања рускиот премиер нуди и бесплатни места во градинките и поевтин престој, а целта му е да го крене бројот на жители на 154 милиони луѓе.

Иако Русија е најголема земја во географска смисла, има само 142 милиони жители - помалку од Пакистан и Бангладеш. Путин предупреди, претставувајќи ја својата социјална програма за Русија, дека моменталната популација до 2050 би можела да падне на 107 милиони жители.

„Се соочуваме со ризик да се претвориме во ‘празен простор’ и нема сами да одлучуваме за својта судбина. Историската цена за изборот меѓу акција и пасивност е близу 50 милиони човечки животи во идните 40 години“, изјави Путин.

Поради најновиот настап во неговата најконтроверзна кампања, Путин стана предмет на исмејување меѓу сонародниците.