Легендарната пејачка која го испеа безвремениот хит I Will Always Love You почина на 48 годишна возраст.
Витни Хјустон, една од највлијателните поп-соул вокали на осумдесетите и деведесетите години почина на 48 годишна возраст, на 11 февруари 2012 година (според американско време).
Таа ќе остане запаметена по својот моќен и карактеристичен глас, по својата музичка кариера, по безвремениот хит I Will Always Love You, но и филмовите како што се The Bodyguard и Waiting To Exhale.
Веста за нејзината смрт на интернет се прошири со молскавична брзина. За сега не е позната причината за нејзината смрт, но се знае дека починала во хотелот Беверли Хилтон, во Калифорнија.
