Кинез, кој пред 17 години помагал во дерењето на кожата од убиена панда, сега е уапсен поради тоа.

Џанг Ченгва од провинцијата Шанхси, на северот во Кина, инаку е шура на еден од осудените за убиство на панда, исчезнал откако дознал за апсењето на своите соучесници во март 1995 година.

Пандата е животински вид кој во Кина е заштитен со закон.

Главниот осомничен за убиство на пандата, извршено во февруари 1995 година, добил условна смртна казна, која се претвара во казна доживотен затвор, додека Хе Женгчианг и Јуан Џингуан се осудени по осум години затвор.

Учесниците во криволовот сакале да земат големи пари од крзното на пандата, затоа што таа на илегалниот пазар се плаќа и до 46.000 долари.