Владимир Путин во име на активистот на својата странка платил казна од 25 евра поради надминување на бројот на митингот за негова поддршка.

Организаторите на митингот за поддршка на претседателскиот кандидат и премиер Владимир Путин, одржан минатата сабота во Москва, платиле казна од 1.000 рубли (25 евра), затоа што го надминале бројот на учесници кој го одобриле градските власти, а парите за измирување на казната им ги дал Путин.

„Парите за плаќање на казната ги даде Владимир Путин. Не е работата за парите, затоа што сумата не е голема, но тој пружи морална поддршка на тие луѓе кои излегоа во име на земјата и кои го поддржаа. Фала му за тоа“, рече Надежда Корњева која ја направила уплатата за казната.

Таа додала дека граѓаните кои ја поддржуваат Русија и Путин го почитуваат законот и сакаат да видат дека нивната земја е силна, голема и дека пружа можности.

Организаторите на митингот коиј е наречен „антипортокалски“ имаа дозвола за 15.000 луѓе, но според официјалните податоци, минатата сабота се собрале 138.000 граѓани.