Здравствените професионалци предупредија на појава на епидемија на грип од тип А во Норвешка, која предизвикува нов вид вирус, познат како H3N2.

На лекарите во последните неколку дена им се јавуваат се повеќе луѓе кои се жалат на симптоми на грип, соопштија професионалците од норвешкиот Институт за здравје.

Меѓу пациентите кои минатата седмица биле кај лекар, 1,4% биле заразени со грип, а доминирал типот А, што сугерира дека е преминат прагот на епидемија, наведуваат норвешките професионалци.

Најмногу се погодени областите покрај крајбрежјето на западот во земјата, додека во другите делови од Норвешка за сега нема многу регистрирани случаи.

Институтот за здравје наведува дека во наредните седмици се очекува понатамошен раст на бројот на заразени.

„Ургентно е граѓаните сега да се вакцинираат против сезонски грип“, соопшти Институтот.