Познатиот британски актер призна: „Доаѓав пијан на работа“.

Даниел Редклиф призна дека бил пијан додека снимал некои од сцените за филмскиот серијал за Хари Потер. Еден период од животот пиел секоја вечер, а рано наутро одел на снимање.

„Имам карактер кој тежнее кон зависности. Тоа беше проблем. Луѓето со таков проблем знаат да заглават. Беше многу лошо, не би сакал да влегувам во детали, но пиев многу и секојдневно“, рече тој за списанието Heat.

„Искрено зборувам кога велам дека никогаш не сум пиел на работа, но сум доаѓал пијан на работа“, додаде Редклиф.

Тој неодамна сними едиторијал за најновиот број на списанието Parade, а две слики од тој едиторијал веќе се најдоа на интернет.