Еден 74 годишен пензионер од Тајван умрел така што проголтал забна протеза за време на секс со проститутка.

Како што пренесува лондонскиот Telegraph, пензионерот индетификуван само како Чен, колабирал по 30 минутен секс со 62 годишна проститутка.

Несреќниот старец бил итно пренесен до болницата каде што лекарите ја констатирале неговата смрт.

Со прегледот подоцна, лекарите ја пронашле забната протеза заглавена во неговото грло.

„Падна на креветот. Очите му беа отворени, но не се движеше иако го тресев и се обидував да го разбудам“, раскажа проститутката.

Инаку, проституцијата на Тајван е забранета, при што само припадничките на најстариот занает, а не и нивните муштерии, плаќаат казни кои можат да изнесуваат и до 700 евра.