Го поминавте аеродромското обезбедување и ви треба малку да се растегнете и медитирате? Аеродромот во Сан Франциско има решение.

Собата за јога на аеродромот во Сан Франциско, има пригушени светла и сини ѕидови, а на патниците кои се под стрес им нуди релаксација.

„Колку што нам ни е познато, ова е првата соба за јога на некој аеродром“, рече претставникот на аеродромот, Мајкл Мекарон.

Според неговите зборови, идејата за собата на новоотворениот Терминал 2 потекнала од еден патник.

Директорот на аеродромот Џон Мартин ја нарекол собата, отворена минатата недела, „скок во пружањето на патниците можност да се релаксираат и декпомресираат во сопствен ритам“.

Претставниците на аеродромот тврдат дека собата веќе го привлекува вниманието на патниците и дека доста ја посетуваат.