Изгаснете ја цигарата. Денеска под слоганот „Уживај без тутунски дим“ се обележува Националниот ден без тутунски дим.

Националниот ден без тутунски дим, 31 јануари, се обележува со различни манифестации под слоганот „Уживајте без тутунски дим“ и стручни конференции со цел давање поддршка тутунскиот дим да се забрани како на работни и на јавни места, така и во домашно опкружување.

За штетноста на цигарите доволно се знае, меѓутоа да потсетиме дека најголемо влијание тутунот има за настанување на рак на белите дробови, болести на срцето и хронични болести на белите дробови.

Пасивното пушење е исто толку штетно (ако не и поштетно) од вистинското пушење, па затоа им се препорачува, посебно на мајките, да не пушат во присуство на своите деца и подобро да се информираат за штетностите на пасивното пушење.

Доколку и Вие сте пушач, барем денеска заборавете на пушењето, а доколку во раката ја држите цигарата додека го читате ова, веднаш скршете ја и фрлете ја и барем денеска обидете се да не запалите. Ќе видите дека ќе се чувствувате многу подобро.