Новозеландската полиција морала да интервенира на кастингот за статисти во филмот на Питер Џексон.

Продуцентите очекувале дека на отворениот кастинг за статисти во „Хобитот“ ќе се појават околу 1.000 луѓе, но се соочиле со толпа чиј број надминувал 3.000 луѓе.

Биле повикани луѓе со следниве физички карактеристики - мажи пониски од 164 и жени пониски од 155 сантиметри, крупни мажи со „изразени карактерни лица“ и развиени раце и жени со многу долга коса.

Меѓу собраните завладеало разочарување, затоа што загрижените организатори ја затвориле вратата откако внатре биле пуштени околу 800 луѓе.

Кастингот бил одржан во хангар во близина на автопатот, па поради големата гужва и туркањето морала да интервенира полицијата, за „хобитите“ да не се растрчаат по патот и да предизвикаат потенцијално опасна ситуација.