Се знаеше дека Фејсбук се подготвува за иницијална јавна понуда (IPO) на своите акции оваа година, но не се знаеше кога точно.

Wall Street Journal сега пренесува дека папирологијата е подготвена, а дека тоа ќе се случи во среда, на 1 февруари.

Се очекува тоа да биде најголем IPO на технолошка компанија, а проценките за заработката која Фејсбук ќе ја оствари на овој начин одат до 100 милијарди долари.

Досега најголемата иницијална јавна понуда беше на германската компанија Infineon која во 2000 година се продаваше за 5,9 милијадри долари, додека вредноста на Google на пазарот во 2005 година беше нешто помала од 2 милијарди долари.

Портпаролот на Фејсбук, Лери Ву изјави дека компанијата нема да ги коментира спекулациите врзани за иницијалната јавна понуда на акциите.

Wall Street Journal наведе дека неименувани луѓе се запознаени со оваа прашање.

Излегувањето на Фејсбук на берзата се очекува со години како пресуден момент за нов бран на инвестиции во работите на интернет.