Десетгодишно момче задоцнило на училишниот автобус, па ги зграпчило клучевите од автомобилот на татко си и се одвезол некои два километри кон училиштето, ама удрил во некој столб, но поминал без повреди, како и неговото другарче од училиштето...

Малолетниот возач и неговиот 9 годишен сопатник, на кого исто така му побегнал автобусот, ги привела полицијата во градот Валанс, Франција. Момчето изјавило дека го „врзал сигурносниот појас“.

Својата возачка иницијатива ја објаснил со стресот кој го доживеал кога видел дека му избегал автобусот. Момчињата се сослушани и ќе одговараат за „возење без возачка дозвола“ и „нанесување штета на јавен имот“, објави полицијата.

Неодамна нешто слично се случи и во Хонг Конг, кога исто така десетгодишник го позајмил автомобилот од татко си. Во истиот е запрен при излегување од паркингот, при што полесно удрил во едно друго возило.