17 годишна девојка веќе петнаесет години не јаде ништо друго освен пржени пилешки медалјони од еден ресторан за брза храна. Сега лекарите ја предупредуваат дека ваквиот вид на исхрана може да биде кобен.

17 годишната Стејси Ајрвин неодамна ги шокира лекарите откако дознаа за нејзината 15 годишна зависност од пржени пилешки медалјони. Никогаш не јадела ниту овошје, ниту зеленчук, а ваквата исхрана резултирала со анемија и отечени вени кај млада девојка.

Вчера е пуштена на домашна нега откако во болницата добивала големи дози на витамини за нејзиниот организам барем малку да се опорави. Но, и покрај критичната состојба, Стејси и понатаму не се откажува од својата омилена храна, но вели дека сега е свесна дека тоа и штети.

Лекарите веќе во неколку наврати зборуваа дека, доколку продолжи со ваквата исхрана, наскоро би можела и да умре. Но, Стејси е и понатаму упорна и вели дека не може да јаде ништо освен тоа. „Ми се крши срцето кога ќе видам што јаде, но таа вели дека не може да јаде ништо освен тоа“, рече нејзината мајка, Ивон. „Единствено понекогаш јаде тост за појадок или чипс. И ништо освен тоа.“

„Прв пат пробав пржени пилешки медалјони кога мајка ми на две години ме однесе во ресторан за брза храна и тогаш толку ми се допаднаа што само нив ги јадам. Не можам да се присилам да пробам нешто друго. Мама одамна крена раце од мене“, вели седумнаесетгодишната девојка.