На актерката и станало лошо во куќата во Лос Анџелес и итно е префрлена во локална болница, пренесува People.

Деми Мур (49) во понеделник вечер колабирала во својата куќа, и по повикување на брзата помош, болничарите кои одговориле на повикот процениле дека е најдобро да биде хоспитализирана.

„Поради огромна количина на стрес во животот, Деми одлучи да побара професионална помош. Се надева на брзо опоравување и им заблагодарува на сите за поддршката“, кратко соопшти портпаролот на актерката.

Мур, која штотуку ја доби улогата на Глорија Стајнем во филмот за порно ѕвездата Линда Лавлејс, моментално минува низ развод од актерот Ештон Качер.