Некогашните членки на британскиот женски бенд Spice Girls би требало да настапат на отварањето на Олимписките игри во Лондон.

Британскиот Daily Mail пишува дека „Спајсиците“ се поканети да настапат на Олимписките игри кои ќе бидат одржани оваа година во Велика Британија.

„Олимпијадата е одлична шанса да се собереме повторно, но мораме сите да се согласиме на тоа“, рече Мелани Чилзом, Mel C. Таа додаде дека не е сигурна дека сите членки на Spice Girls им одоговриле потврдно на организаторите.

„Не сум сигурна дека сите девојки се согласиле“, рече таа, а медиумите додаваат дека меѓу „Спајсиците“ најверојатно нема да биде Викторија Бекам.

За сега се согласиле Џери Халивел, Ема Бантон и Mel C. Пејачките последен пат се собраа во 2007 и 2008 кога се обединија за заедничка турнеја.