Списанието OK пишува дека холивудскиот пар го чека своето седмо дете.

Списанието OK дознава, од извори блиски на актеката и режисерка, дека Анџелина Џоли е во третиот месец од бременоста. Доколку се точни наводите на американскиот таблоид, ова ќе биде седмото дете на актерката, поточно четвртото биолошко со партнерот Бред Пит.

„Бремена е веќе три месеци. Не сакаше да ја официјализира оваа вест, но и рече на одбрана група луѓе“, вели неименуваниот извор во списанието.

Ова не е прв пат американските таблоиди да пренесуваат изјави од „добро известени извори“ за наводната бременост на актерката, односно план да „посвои уште едно дете“, кои не беа вистински.

Актерката се нема огласено ни за да ги потврди, ни за да ги демантира пишувањата на американскиот печат.