Холивудските филмски кругови шушкаат за тоа дека се спрема претходник хорор класиката „Психо“ на Хичкок, и тоа во вид на серија.

Американската продукциска куќа A&E развива сценарио кое ќе се базира на растењето и животот на Норман Бејтс и неговата мајка пред фаталните случувања во мотелот „Бејтс“.

Дејството, се разбира, ќе биде сместено во мотелот „Бејтс“, но малку работи се познати во врска со сценариото кое го разработува Ентони Чипријано.

Подготовката на серијата предизвика лавина од коментари, како позитивни, така и негативни, посебно затоа што е познато дека „Психо“ имаше две продолженија за кои знае многу мал број на луѓе, а не пак истите да ја стекнат популарноста на првиот филм, а Гас Ван Сант во 1998 година направи и телевизиски spin-off, подеднакво неуспешен.

Освен тоа, се води полемика дали некој воопшто смее да се осмели да го разработува ликот на најпознатиот убиец на Хичкок, а притоа да „не ја осквернави неговата автентичност“.