Во Лос Анџелес доделени се People Choice наградите. Триумфираа „Хари Потер“, Џони Деп и Кети Пери.

Последниот дел од серијалот за момчето волшебник „Хари Потер и Реликвиите на Смртта: Втор дел“ ги освои наградите за најдобар филм, најдобар акционен филм, најдобар тим и најдобра адаптација на книга на 38 доделување на People Choice наградите.

Џони Деп е прогласен за најдобар актер, Ема Стоун за најдобра актерка и најдобра актерка во комедија, додека во категоријата за најдобар акционен актер наградата на публиката ја однесе Хју Џекмен.

Филмот „Вода за слонови“ е најдобра драма, „Деверуши“ е најдобра комедија, Адам Сендлер е најдобар комичар, Рајан Рејнолдс е најдобар супер херој, а за икона на филмот е прогласен Морган Фримен.

Кога станува збор за музика, најдобар машки изведувач е Бруно Марс, омилена изведувачка е Кети Пери, која освои уште четири награди - за најдобра песна (E.T.), најдобар спот (Last Friday Night), турнеја на годината и најдобра гостин-ѕвезда во серијата How I Met Your Mother.

Албумот на годината го сними Лејди Гага, а хипхопер на годината е, како и минатата година, Еминем. Ријана е најдобар RnB изведувач, а Тејлор Свифт е најдобра кантри пејачка.