Кралицата Маргрета изјавила дека со најстарата европска монархија совршено добро владее и без модерни изуми.

Обраќајќи им се на новинарите, данската кралица рече дека додека другите членови на нејзиното семејство „сметаат дека е забавно што не користи мобилен“, таа самата смета дека тој нејзе не и е ни потребен.

На прашањето на еден норвешки новинар како тоа да не ја интересираат модерните средства за комуникација, Маргрета (71) одоговорила дека е „многу спокојно“ да не се биде во мрежата.

„Сосема ми е убаво како стојат работите, благодарам на прашањето“ додаде весело.

Кралицата Маргрета разговараше со новинарите во палатата Амалиенборг во Копенхаген по повод четириесет годишнината од нејзиното стапување на данскиот престол која ќе биде обележана овој викенд. Корените на нејзиното семејство се протегаат до времето на викиншките кралеви во 10 век.