Нашиот Млечен пат е обична спирална галаксија, но NGC 1232 е огромна спирална галаксија, со дијаметар два пати поголем од нашата. Во галаксијата NGC 1232 се е поголемо, дури и џиновската сателитска галаксија.

Технички гледано, NGC 1232 е спирална галаксија со дијаметар од 200.000 светлосни години која има јасно дефинирани спирални краци. Но, нејзините краци се прилично необични. Поголемиот број спирални галаксии како оваа имаат благо закривени краци, но краците на галаксијата NGC 1232 се многу „поостро“ закривени.

Тоа е веројатно последица на гравитациската деформација која ја предизвикува нејзината сателитска галаксија наречена NGC 1232A. И додека поголемиот број големи галаксии имаат сателитски галаксии (Млечниот пат има една помала сателитска галаксија оддалечена 70.000 светлосни години) многу малку сателитски галаксии се и толку блиску и толку масивни.

NGC 1232 е лоцирана во соѕвездието Eridanus и од нас е оддалечена околу 100 милиони светлосни години.