Поради ретка медицинска состојба, 25 годишна жена која е заробена во тело на 12 годишно девојче, ги моли лекарите да и помогнат.

Кејт Квин е веројатно единствената жена во Ирска која страда од CRS, односно Синдром на каудална регресија.

Оваа ретка состојба значи дека никогаш не била во пубертет, немала редовни менструации... Нејзиниот ’рбет не е добро развиен, па висока е само 144 сантиметри.

Сега Квин, која вели дека своите рани 20-ти години ги поминала криејќи се и живеејќи живот во „лимб“, ги моли лекарите да пронајдат лек. Таа верува дека нема да пронајде љубов доколку не стане „вистинска“ жена.

Оваа состојба погодува само една 25.000 личности во цел свет. Лекарите велат дека тоа што не го проживеала пубертетот е нуспојава на нејзината состојба, но не можат да објаснат зошто е така.

Кажале дека фактот дека нејзините хормони „не работат правилно“ обично не е поврзан со споменатиот синдром.

Веќе седум години прима хормони за да го поттикнат нејзиното тело да влезе во пубертет, но без разултат. Постојаните посети во болницата и оневозможиле да оди на факултет и да работи.

„Колку подолго се случува, толку е полошо затоа што на 12 или 14 чувствувате дека ќе се развиете, но сега со 25 години почнувам да се прашувам дали е прекасно и се прашувам дали некогаш ќе се развијам“, рече Квин.