Учениците од музичката школа од Велика Британија со свирење го прекинале снимањето на филмот Skyfall.

Учениците од музичката школа во Гринвич биле воодушевени кога виделе дека во близина на нивната сала се снима една сцена од најновиот филм за Бонд. Камерите снимале, агентот 007 бил во „акција“, кога учениците ги грабнале своите труби и почнале да ја свират насловната песна од популарната франшиза.

Звукот на музиката на Бонд одекнал по улицата, што не му се допаднало на режисерот Сем Мендес кој морал да го прекине снимањето.

Учениците мислеле дека тоа е интересен начин да му оддадат почит на легендарниот агент, а истото го мислел и Даниел Крег кој ги наградил со аплауз.