Еден провалник имал многу среќа кога, не знаејќи, провалил во хотелската соба на некогашниот светски шампион во бокс.

Крадецот провалил во хотелската соба во која престојувал некогашниот светски шампион во тешка категорија Мајк Тајсон (45), кој, за среќа, во тој момент спиел.

Крадецот во моментот кога го видел Тајсон кој пак се разбудил од буката, побегнал како мува без глава.

Од собата, во која ноќевањето чини 1.000 долари, ништо не е украдено, но обезбедувањето во хотелот „Космополитан“ во Лас Вегас е засилено поради овој инцидент.

Со оглед на тоа дека Тајсон е познат по својот избувнувачки темперамент и тоа што своевремено му го откина увото на еден од своите противници, може да се смета дека провалникот имал луда среќа што успеал да збрише на време.