Онлајн енциклопедијата Википедија собрала 20 милиони долари од донатори и си го осигури постоењето барем уште една година.

Банерите со пораки од Џими Вејлс, Су Гарднер, Џеј Волш и други претставници на Википедија се тргнати од сајтот, што е знак дека кампањата успеала, пренесуваат медиумите.

„Обичните луѓе кои ја користат Википедија се откажаа од по некој долар за нашиот проект да може да живее и да расте во иднина. Тоа ни обезбедува независност и можност да се посветиме исклучиво на пружање услуги за општо добро. Благодариме на сите кои помогнаа“, рече извршната директорка Су Гарднер.

Википедија моментално има околу 20 милиони членови, а кон средината на јануари ќе го прослави својот 11 роденден.