Словенски брачен пар е уапсен во Австрија поради продавање забранети анаболички стероиди преку интернет, со што заработиле речиси 40 милиони евра.

Словенец (36) и неговата сопруга, кои живееле во вила вредна прет милиони евра во Бад Клајнкирхен, уапсени се минатиот четврток и сега се наоѓаат во истражниот затвор во Клагенфурт.

Австриските власти минатото лето ја интензивирале истрагата за нивните активности, во соработка со САД, поради сомнеж дека парот во последните 10 години со продажба на анаболички стероиди ширум светот заработил 38,6 милиони евра.

Полицијата ги истражува нивните банковни сметки и работни врски за недвижнини и се обидува да утврди дали имале уште соучесници.

Жителите на Бад Клајнкирхен го опишале брачниот пар како „мирни и симпатични луѓе“.