Замислете под елката да ве пречека пакетче во кое има хартија на која пишува дека сте сопственик на плац со водопад во близина на Лос Анџелес! Да, тоа го добил Бред Пит и веројатно скокал од среќа.

Најславниот холивудски пар, кој таблоидите минатата година се обидоа да го раскараат, Анџелина Џоли и Бред Пит, не престануваат да се задоволуваат еден со друг. Откако го средија заедничкиот луксузен имот во Франција, парот планира на сега плацот на Бред, веднаш зад водопадот да изгради куќа.

„Тој беше пресреќен кога виде што доби затоа што го обожава звукот на водопад и не знаеше дека токму тоа ќе му биде подарокот. Веднаш рече дека овде ќе изгради куќа во стил на својот омилен архитект Френк Лојд Рајт“, рече извор близок на парот.

И Бред и Анџелина порано изјавуваа дека ќе најстојуваат да го намалат бројот на улоги за повеќе да се посветат на семејниот живот и хуманитарната работа и дека се уште не го нашле совршеноот место кое ќе го наречат дом. Можеби сега тоа ќе биде куќичката над водопадот.