Здружението за хуман третман на животните ја прогласи сестрата на покојниот крал на попот за најлоша личност на 2011 година.

Џенет Џексон, според мислењето на здружението ПЕТА најмногу ги загрозила животните со своите „модни избори“, пишуваат американските медиуми.

„Животните во чии кожи се обвиткува се мртви, баш како и нејзината кариера и вкус“, соопшти здружението.

Џенет во ноември лансираше и своја колекција модни детали од вистинско крзно, и со тој потег го заслужи првото место на листата на најлоши, која ја составува здружението.

Сестрата на покојниот Мајкл Џексон ја следат режисерот Камерон Кроу и старлетата Ким Кардашијан.