Повеќе од стотина луѓе се сместени во болница во Буенос Аирес со тешки изгореници и повреди на очите.

Меѓу повредените се повеќе од дваесетина деца, а едно осумгодишно момче се здобило со изгореници на 38% од телото и се наоѓа на интензивна нега, изјавиле од болницата.

Еден од началниците во очната болница Санта Лусија изјавил дека оваа година имале 20% повеќе случаи на повреди од петарди за време на Божиќ и дека 57 луѓе се примени во болницата со сериозни повреди на очите.

Претставник од болницата за изгореници рекол дека за време на Божиќ нивната помош ја примиле 27 луѓе поради изгореници од петарди и огномети.