Американскиот тинејџер, Џордан Ромеро (15) стана најмладата личност на светот која ги освои седумте највисоки планински врвови на сите седум контитенти.

Како што соопшти неговата мајка Ли Ен Дрејк на Фејсбук страницата, Ромеро (15) и се јавил во сабота и потврдил дека се искачил на врвот Монт Винстон на Антарктикот.

Ромеро, кој е роден во Калифорнија, со овој потфат го собори рекордот на британскиот планинар Џорџ Еткинсон, кој во мај, на 16 години, ги освои седумте највисоки врвови на светот.

Тимот на Ромеро, во кој се наоѓаат и неговиот татко и маќеата, почнале да се качуваат во среда.

На само 10 години, Ромеро го освоил врвот Килиманџаро во Африка, а на 13 години се искачил на највисоката планина на светот, Монт Еверест, на Хималаите во Азија.

Во меѓувреме, ги освоил и највисоките врвови во Австралија, Русија, Аргентина, САД и Индонезија.