Во морето различни апликации, корисниците на Фејсбук измислиле и таква која што се грижи откако ќе умрете вашата последна порака да ја прочитаат сите ваши пријатели на таа социјална мрежа.

Доколку ја активирате апликацијата If I Die (Ако умрам) можете однапред да ја напишете вашата последна порака, која сакате да ја прочитаат вашите пријатели на Фејсбук откако ќе го напуштите овој свет.

По активацијата, Фејсбук ќе ви даде да изберете каква порака сакате да оставите зад себе, пишана или можеби видео снимка.

Откако ќе ја напишете или снимите својата проштајна порака, морате да изберете три личности кои официјално ќе ја потврдат вашата смрт на Фејсбук. По тоа, вашата последна порака ќе се активира по што ќе ја видат сите ваши пријатели.

Интересно е што Фејсбук уште во 2009 година објави дека ќе ги чува сите профили на покојни корисници за семејството и пријателите, ако сакаат, на нив и понатаму да оставаат пораки.