Џоханес Хестерс, контроверзниот пејач кој стана познат во нацистичка Германија и кој важеше за еден од најстарите активни уметници, умре вчера на 108 години.

Омилениот пејач на Адолф Хитлер, Хестерс, роден е во Холандија во 1903 година, а името го стекнал настапувајќи во нацистичка Германија.

Умрел во клиниката во Странберг, Баварија, каде што живеел, соопштија неговите претставници.

Хестерс глумел во бројни филмови и театарски претстави, вклучувајќи ја и главната улога во оперетата „Веселата вдовица“ на Франц Лехар, во која настапил 1.600 пати.

Популарноста кај нацистите на Хестерс го следела цел живот, а во 2008 година организирале протести за време на негов концерт во Холандија, прв кој по многу децении го одржал во татковината.

За време на неговиот претходен концерт во Холандија во 1963 година, публиката го истерала со нацистички поздрав кога се појавил на сцената.