Авиохеликоптерската единица на Министерството за внатрешни работи на Црна Гора ги евакуирала монасите Данило и Игњатиј кои 15 дена биле заробени на превојот Царина, под Комов.

Од црногорската влада соопштено е дека Посебна полициска единица се обидела со моторни санки да пробие до монасите, но, поради снежните наноси и силните удари на ветер, морале да се откажат.

„Назначени како ‘приоритетни’ од страна на министерот за внатрешни работи, Иван Брајович, рано во сабота Авиохеликоптерската единица со Црногорската служба за спасување успеа да ги евакуира монасите“, се наведува во соопштението.

Монасите се префрлени до местото Опасаници.