Унгарската софтверска компанија Graphisoft ја открила првата бронзена статуа на покојниот извршен директор на Apple, Стив Џобс во Будимпешта.

Унгарците Џобс го сметаат за еден од најголемите личности на модерното време, а неговиот кип го направил кипарот Ерно Тот. Кипот е откриен пред зградата на споменатата фирма.

„Тој е најголемата личност на нашата ера, затоа сакавме да го откриеме неговиот кип баш овде“, рече Габор Бојар, претседател на управата на Graphisoft. Тој истакна дека Џобс дал пари и компјутери за нивната фирма во 80-тите години на минатиот век и на тој начин им помогнал да станат глобален лидер во софтвер за архитектура.

„Apple на некој начин ни е како религија“, истакна Бојар. На крајот додаде дека Џобс стоел зад технолошката револуција која може единствено да се спореди со откривањето на писмото.