Фејсбук се заканува дека ќе го тужи Марк Зукерберг... но, не оној кој прв ви падна на памет, туку Израелец кој наодамна го променил името и сега се вика исто како основачот на најпопуларната социјална мрежа на светот.

Ротем Гуез го променил името во Марк Зукерберг, но тужбата му се заканува поради нешто друго: тој, имено, започнал Like Store преку кој на компаниите им продава „лајкови“ со што директно ги крши правилата на Фејсбук.

Нему уште во септември од Фејсбук му се заканиле со тужба, барајќи да престане со сите активности во врска со својот Like Store „проект“, а од Гуез компанијата тогаш очекувала и да „потврди дека престанал да го користи Фејсбук и да вети дека во иднина нема да и пристапува на таа страница, нејзиниот сервис и платформа“.

Гуез тоа го одбил, а потоа го променил името. „Ако веќе сакаат да тужат некого, нека го тужат Марк Зукерберг“, изјавил тој.