Познатата актерка Мерил Стрип, која ја глуми Маргарет Тачер во филмот The Iron Lady, признала дека од политички причини за малку ќе се откажала.

„Не бев воодушевена од политиката која ја водеше, бидејќи јас и моите пријатели секогаш бевме на спротивната страна. Разговарав со нејзини блиски луѓе, ми кажуваа за нејзините доблести и маани, за напорите да ги преброди своите слабости и злобата поради која плати голема цена“, рече Мерил Стрип, една од најпознатите американски либералки која режисерката Филида Лојд ја убедила да ја прифати улогата.

Нив двете веќе соработуваа на мјузиклот Mamma Mia! а дека режисерката овој пат била помудра од актерката, сведочи и фактот дека Мерил поради таа улога е номинирана и за Златен глобус.