Италијанската полиција застанала еден возач во Бари, јужна Италија, кога воочиле дека во двете раце држи мобилни телефони, а не го држи воланот.
Кога запрепастените полицајци го прашале што се случило, 43 годишниот возач на „алфа ромео“ одговорил дека прво му се јавила жена му, а потоа мајка му и дека на ниедна од нив не можел да ја прекине врската.
Возачот, инаку професионален возач на камион, признал дека често разговара на два телефони додека е на патување.
Полицијата го казнила 152 евра, а добил и пет бодови.
