Грчката полиција пред три дена уапсила свој поранешен колега кој измислил 19 деца на основа на кои со години добивал детски додаток.

Во полицијата проценуваат дека на овој начин за време од 15 години присвоил најмалку 150.000 евра.

Како што пренесува една агенција, поранешниот полицаец, разведен и без деца, во 2001 година дал отказ на работа на која заработувал илјада евра месечно и од тогаш живеал од детскиот додаток кој го примал „за најдобро семејство во Грција“.

Неидентификуваниот 54 годишен маж поднел фалсификувани изводи од матичната книга на родените и документи со фотографии од деца кои ги наоѓал на интернет.

Измамата била толку професионално изведена, објаснила полицијата, што се посомневале дека нешто не е во ред дури кога увиделе дека тој е единствен грк со толку многу деца.

„Никогаш порано не сме виделе ваква измама“, рече еден полицаец.

Лажниот татко уапсен е во среда кога дошол да подигне 8.000 евра на име на детски додаток.