Британска мајка е депортирана од Дубаи и присилена таму да ја остави својата шестгодишна ќерка, а сето тоа затоа што работела без дозвола од сопругот.

Тес Лориган уапсена е на работно место, подочна во училница во средно училиште каде работела како професорка. Од училиштето, префрлена е директно во затвор каде што останала два дена.

Предавала филм и медиуми за полесно да ја издржува својата посвоена ќерка Олиен која прво со неа останала по разводот од сопругот Михаел Лориган, со кој била во брак осум години.

Во Дубаи прекршок е ако жената работи без дозвола од сопругот. Тес тврди дека нејзиниот сопруг прво поднел жалба поради нејзината работа. Се оглушила на истата, по што поминала шест месеци борејќи се да добие старателство над шестгодишната Олиен. Но, тогаш сопругот со помош на законот во земјата во која живеела ја депортирал во Велика Британија.

„Се чувствувам изгубено. Олиен го сака Божиќ и секоја година до сега патувавме кај моите родители во Велика Британија, или тие доаѓаа кај нас. Оваа година ќе имаме многу осамен Божиќ“, раскажа Тес која моментално живее во Њу Форест.

Додаде дека е очајна затоа што не знае колку време ќе помине пред повторно да може да ја прегрне ќерка си. „Воопшто не знам што ми е сега најпаметно да сторам“, додаде. Пред 15 годиниа се преселила во Дубаи, откако се омажила за сега 59 годишниот Мајкл Лориган, директор на една фирма.

Не можеле да имаат деца, па во 2008 година отпатувале од Непал каде што го освоиле девојчето Олиен. По само една година, нивниот брак се распаднал. Тес бракоразводниот спор го започнала на британскиот суд, а постапката уште не е завршена.

Пронашла работа како учителка во училиште оддалечено од Дубаи половина час, и останала запрепастена кога полицијата ја уапсила под изговор дека нејзиниот, се уште законски сопруг, не и дава дозвола да работи.