Warner Bros соопшти дека еден од каскадерите вработени на снимањето на филмот Batman: The Dark Knight Rises починал од срцев удар.

„Студиото може да потврди дека каскадерот почина во паузата на снимање на филмот, на пробата за сцена во Њујорк во која учествуваа неколку стотини статисти“, соопштено е од Warner Bros.

Мажот починал кон крајот на ноември, но студиото дури сега, по утврдување на причината за смрт, издаде соопштение за овој настан.

Во август оваа година се случија две несреќи на снимањето на „Бетмен“ - прво се судрила каскадерката која ја менува Ен Хетавеј во улога на Жената Мачка, која со мотор удри во скапа опрема за снимање, а потоа и возач каскадер кој со возилото на Бетмен удрил во семафор и се здобил со полесни повреди.

Во октомври оваа година, животот го загуби и каскадерот на сетот The Expendables.

Во филмот The Dark Knight Rises играат Кристијан Бејл, Ен Хетавеј и Том Харди.