Иако во своите книги и популарната серија и филмови жените ги советува како и што подобро да се омажат, да пронајдат љубов, изгледа некаде се излажала - Кендис Бушнел се разведува.

Кендис (53), писателката на книгите според кои е снимена серијата „Сексот и градот“ поднела барање за развод на бракот од Чарлс Аскџерд (43).

„Имавме преубави моменти за време на овие десет години брак. Се уште ми значи како личност и ја почитувам неговата желба својата среќа да ја побара со некој друг. Се надевам дека ќе останеме пријатели“, соопшти славната писателка.

Слично мисли и нејзиниот, сега веќе бивши сопруг, кој вели дека многу ја почитува и дека го цени времето што го поминале заедно, но и дека „на се што е убаво мора да му дојде крајот“.