Еден маж од Алјаска благодарение на пивото преживеал три дена затрупан под снег.

Клифтон Вајл (52) со автомобилот се заглавил во снежен одрон за време на една меќава, 60 километри од најблиското населено место. Кога се обидел да ја отвори вратата, сфатил дека се наоѓа длабоко под снег, а мобилниот телефон, се разбира, бил без сигнал.

Откако успеал да ја совлада паниката, почнал да претура по автомобилот и да бара храна, вода... единствено нешто што пронајшол биле две речиси заледени лименки пиво, вреќа за спиење и крпа со која ги заштитил нозете од студот.

„Кога се обидов да излезам од автомобилот сфатив дека се наоѓам длабоко под снег. Се исплашив и сфатив дека моето семејство отпатува и дека никој нема да знае дека сум исчезнат“, изјави Вајл.

Сепак, неговите работодавци, откако не се појавил на работа, ја алармирале спасувачката служба која го пронашла Вајл по три дена. Тој им објаснил дека „јадел“ заледено пиво и така преживеал, а сите знаеме дека пивото е „прехрамбен“ производ.