Шарлот Хидорн (91) од Калифорнија, уапсена е затоа што последните дваесет години продавала пакети за самоубиство.

Шарлот Хидорн со години продавала пакет за самоубиство, кој се состои од посебна пластична капа и цевки за гас и до сега продала преку 1.300 парчиња.

Таа се заинтересирала за овие пакети откако нејзиниот маж умрел од рак во болница.

„Секогаш сметав дека луѓето треба да имаат право да умрат дома каде што е семејството, а не опкружени со странци“, навела таа порано.

Полицијата покренала истрага кога покрај телото на еден дваесетгодишник кој извршил самоубиство го нашле приборот.

Кога ја одвеле пред суд, пензионираната наставничка признала дека е виновна, но дека сепак смета дека „секој треба да има право да одреди кога ќе умре“.