Лекарите од болницата во Виена во која се наоѓа пејачот соопштија дека здравствената состојба му се подобрува, но и понатаму му е потребен одмор.

Британскиот поп пејач Џорџ Мајкл минатата недела е примен во болница поради воспаление на белите дробови.

„Многу сме среќни што можеме да објавиме дека здравјето на Џорџ Мајкл се подобрува и дека полека се враќаат неговите белодробни способности“, соопштија лекарите.

Во соопштението е наведено дека „не постојат никакви други здравствени проблеми во врска со пациентот освен основните белодробни пореметувања“.

„Неопходни му се целосен одмор, мир и тишина поради природата на болеста и евентуалното несакано влошување“.

Џорџ Мајкл минатата седмица поради болеста мораше за пролетта да ги одложи закажаните концерти во рамки на актуелната турнеја Symphonica.