Кинеските власти издале забрана за телевизиските станици да пуштаат реклами за време на траење на телевизиските серии.

Целта на одлуката е да се привлечат што повеќе гледачи и да се подобри квалитетот на програмата, пренесоа денеска од аганцијата.

Во забраната, која вчера е објавена, а ќе стапи во сила од 1 јануари следната година, стои дека ниту една реклама не смее да се појави за време на траење на било која серија чија епизода трае околу 45 минути.

Аналитичарите на кинеските медиуми наведуваат дека оваа забрана веројатно ќе ги намали паричните приходи кои се добиваат од рекламите, но ќе ги примора телевизиските станици да емитираат што подобра програма за да ги задржат гледачите.