Шпанската полиција разбила нарко банда која користела бебиња и мали деца за криумчарење на кокаин од Јужна Америка преку европските аеродроми.

Полициите во Шпанија, Белгија и Холандија уапсиле 20 осомничени личности со голема количина скриен кокаин, кои патувале со деца за да го отстранат сомнежот, соопштија денеска шпанските претставници.

„Тие користеле малолетници за да се скријат и да не предизвикаат сомнеж, а дрогата ја криеле меѓу нивните пелени и во нивните багажи“, се вели во соопштението.

„Тие летале од Јужна Америка со количина наркотици кои варирале од еден до пет килограми“.

Полицијата уапсила 16 личности на различни аеродроми во Шпанија, и по две на аеродромите во Белгија и Холандија и заплениле 11 килограми кокаин, се вели во полициското соопштение.