Чаршафот и навлаката за перница на кои Хитлер своевремено спиел, со неговите иницијали и кукасти крстови, ќе бидат продадени следната недела на аукција во Бристол.

Постелнината, за која се очекува дека ќе ја надмине цената од 3.000 фунти, украсена е со вез во облик на орел на кукаст крст во круг покрај кој се иницијалите на нацистичкиот водич.

„Исклучително ретко е на пазарот да се најдат делови од постелнината на Хитлер со извезен личен мотив и монограм“, рече претставникот на аукциската куќа „Друветс“ која ја организира лицитацијата.

Чаршафот и навлаката за перница ги купил пред повеќе години во Германија еден колекционер.

„Кога Хитлер и Ева Браун се самоубиле во 1945 година, куќната помошницча Ана Винтер однела мноштво предмети од неговиот стан во улицата Принцрегентенштрасе за да ги спаси од ограбувачи“, наведуваат во „Друветс“, додавајќи дека последните години на пазарот, посебно во Германија, се појавиле голем број лични предмети на Хитлер.