Сопственикот на бродот, Карлос Рафаел, бил воодушевен кога уловил туна тешка 400 килограми. Но, среќата не траела долго.

Агентите на Сојузната рибарска агенција ја заплениле туната веднаш откако бродот се вратил на пристаништето. Тоа било на 12 ноември.

Рафаел имал дозвола за лов на туни, но федералците му кажале дека уловот е илегален затоа што ја уловил во мрежа. Имено, туната смеела да се лови само со рачна опрема, како харпун, а уловот со мрежа бил илегален, иако бил случаен.

„Ништо не се обидовме да скриеме“, рече Рафаел. „Се направивме како што треба. Никој досега не ми кажал дека туната не смееме да ја ловиме со мрежа. Ловевме други видови риби, но неа ја фативме.“

Толку голема туна е многу вредна. Неодамно една туна тешка 342 килограми им е продадена на „љубителите на суши“ за 396.000 долари. А оваа на Рафаел исто така ќе биде продадена, но тој нема да добие ниту една паричка ако надлежната служба ја потврди неправилноста при уловот.