Швајцарците кои пушат канабис од следната година смеат да одгледуваат по четири стебла, а државата така ги одвраќа од илегално купување.

Во онлајн изданието на британскиот Daily Mail пишува дека од 1 јануари 2012 година, граѓаните на четирите швајцарски кантони во дневната соба или на балконот смеат да имаат до четири стебла марихуана, но не смеат да ги продаваат. Ако во еден дом живеат четири личности, вкупниот број на дозволени стебла ќе биде 16, но секоја личност мора да се грижи за своите, гласи новиот швајцарски закон.

За дерегулација на и така благите закони за канабис во Швајцарија се договориле четирите кантони со француско говорно подрачје. „Се согласивме на новите прописи за да го спречиме наркотуризмот меѓу кантоните со различни прописи и за луѓето да не купуваат на улица“, рече портапролот на Неучател.

На бизарноста на законот според кој една личност не смее да одгледува повеќе од четири стебла освен со тврдење дека некој живее со неа и дека останатата личност мора сама да ги одгледува билките, швајцарскиот дневник Le Matin пишува: „Тоа значи дека всушност секој станар смее да одгледува по уште четири стебла канабис, под услов другата личност да знае да држи кантичка за полевање вода“.

Новиот пропис се однесува на кантоните Вауд, Неучател, Женева и Фрибург.