Австралиската полиција бара сопственик на ковчег полн со пари кој вчера е заборавен во еден ресторан во Сиднеј.

Телевизијата Тен Нетворк извести дека во ковчегот имало околу милион австралиски долари во банкноти од по 50 долари.

Инспекторот Иан Прајд на новинарите им кажал дека ковчегот во италијанскиот ресторан го донел маж облечен во „хавајки“. Изгледал преплашено и заминал без парите.

Австралискиот Daily Telegraph известил дека со помош на описот на персоналот на ресторанот и снимката од околните надзорни камери, идентификуван е 49 годишен азијат кој потоа е приведен во полиција за да се утврди потеклото на парите.

„Влезе накратко во ресторанот и се однесуваше сомнително. Набргу замина, по расправија со еден муштерија, и тоа без ковчегот. Поради околностите во кои заминал, персоналот го прегледал ковчегот и ги пронашол парите“, стои во извештајот.